Türkiyənin Antalya şəhərindəki Böyük Dəbilqə turniri davam edir. 90plus.az xəbər verir ki, Azərbaycan cüdoçusu Səid Mollayi (81 kq) yarımfinalda Şarofiddin Boltaboyevi (Qazaxıstan) məğlub edib və finala yüksəlib. Mollayi həlledic görüşdə Mattias Kasse (Belçika) ilə üz-üzə gələcək. Zelim Tçkayev (81 kq)1/8 finalda Alfa Umar Caloya (Fransa) uduzub. Hidayət Heydərov (73 kq) yarımfinalda Manuel Lombardoya (İtaliya) məğlub olub. Eyni çəkidəki Nurlan Osmanov təsəlliverici qarşılaşmada Adil Osmanova (Moldova) qalib gələrək bürünc medal uğrunda görüşdə iştirak hüququ qazanıb. Osmanov "bürünc" uğrunda məhz Heydərovla qarşılaşacaq.