“Tottenhem”in baş məşqçisi Antonio Konte İngiltərə Premyer Liqasının 18-ci turunun “Aston Villa” ilə matçından sonra (0:2) fikirlərini bölüşüb. 90plus.az “Sky Sports”-a istinadən xəbər verir ki, o, titullar qazanmaq üçün komandanın gənc futbolçulara ehtiyac duyduğunu bildirib: “Titullar qazanmaq üçün ciddi işlər görülməlidir. Gənc oyunçular daha da inkişaf etdirilməlidir. Hər mövsüm ən azı iki gənc futbolçu komandaya cəlb edilməli və onların dəyəri 50-70 milyon funt-sterlinq olmalıdır. Yəni komandanın hazırki səviyyəsini artırmaq üçün vacib oyunçular transfer edilməlidir. Bu, çox uzun bir prosesdir”. Hazırda “Tottenhem” Premyer Liqanın turnir cədvəlində 30 xalla 5-ci pillədə qərarlaşıb.