Azərbaycanın qadın güləşçisi Mariya Stadnik Xorvatiyanın paytaxtı Zaqrebdə keçirilən Avropa çempionatının yarımfinalına vəsiqə qazanıb. 90plus.az xəbər verir ki, 50 kq çəkidə çıxış edən titullu idmançımız təsnifatda türkiyəli Evin Demirhana, 1/4 finalda isə fransalı Culye Sabatyeyə qalib gəlib. Digər qadın güləşçi Elnurə Məmmədova (55 kq) 1/8 finalda Litva təmsilçisi Laura Staneliteni üstələyərək növbəti raunda yüksəlib. Alyona Kolesnik (59 kq) isə 1/4 finalda Yovana Radivoyeviç (Serbiya) - Morena de Vita (İtaliya) cütünün qalibi ilə qarşılaşacaq.