İtaliyanın “Milan” klubu bütün diqqətini İsmael Bennaserdən sonra Rafael Leao və Olivye Jiru ilə müqavilənin uzadılmasına yönəldəcək. 90plus.az xəbər verir ki, bu barədə jurnalist Fabrizio Romano məlumat verib. Onun sözlərinə görə,  hər iki  futbolçu ilə danışıqlar davam edir. Qeyd edək ki, “Milan” Bennaser ilə 2027-ci ilə kimi növbəti 48 saat ərzində yeni uzunmüddətli müqavilə imzalayacaq. Futbolçunun müqavilədəki 50 milyon avroluq sərbəst buraxılış bəndi isə yalnız 2024-cü ildə etibarlı olacaq.