Tomas Parti "Arsenal"dan ayrılmadan əvvəl Mikel Arteta ilə son danışığını açıqladı.
90plus.az xəbər verir ki, Tomas Parti "Arsenal"dan ayrılmadan əvvəl baş məşqçi Mikel Arteta ilə keçirdiyi son emosional söhbəti bölüşüb. Futbolçu həmin anı həyatında heç vaxt unutmayacağı bir an kimi təsvir edib.
Parti bildirib ki, "Arsenal"dan ayrılmaq istəməyib və transfer prosesi onun üçün çox çətin olub. “Amma həmin gecə, bizim ‘son qəhvə’ adlandırdığım görüş zamanı, Arteta mənimlə sanki ata kimi danışdı… bu hissi əvvəllər heç yaşamamışdım,” – deyə futbolçu qeyd edib.
O həmçinin əlavə edib ki, həmin anda hər şeyi anladığını və Artetada onun üçün ən yaxşısını istəyən bir insan gördüyünü. “Mən Artetaya böyük hörmətlə yanaşıram və hər gün dua edirəm ki, o çempionluğu qazansın — o bunu həqiqətən haqq edir,” – Parti sözlərinə əlavə edib.
