PSJ Federiko Valverde üçün hərəkətə keçdi – yayda böyük transfer ola bilər.

90plus.az xəbər verir ki, "Pari Sen Jermen" yarımmüdafiə xəttini gücləndirmək üçün Federiko Valverde ilə bağlı ilkin əlaqə yaradıb - El Chiringuito.

Məlumata görə, klubun idman direktoru Luis Kampos futbolçunun nümayəndələri ilə birbaşa əlaqə saxlayaraq mümkün transfer şərtlərini öyrənib. PSJ rəhbərliyi yay transfer pəncərəsində uruqvaylı futbolçunu heyətə qatmaq variantını ciddi şəkildə nəzərdən keçirir.

Əgər "Real Madrid" satışa razılıq versə, Valverdenin transfer qiymətinin 80–100 milyon avro arasında olacağı bildirilir.

Qeyd olunur ki, Madrid klubu hələlik futbolçunu satmaq niyyətində deyil, lakin PSJ-nin marağı yaxın həftələrdə danışıqları daha da aktivləşdirə bilər.