Qazaxıstanın "Turan" klubu Azərbaycan millisinin qapıçısı Emil Balayevə təzminat ödəyəcək. 90plus.az xəbər verir ki, bu barədə futbolçunun vəkili Elcan Həsənli öz sosial şəbəkə hesabında paylaşım edib. O, FİFA-nın Mübahisələrin Həlli Palatasının bu barədə qərar qəbul etdiyini bildirib. Qeyd edək ki, "Turan" 2022-ci ilin yayında Emil Balayevlə müqaviləsi ləğv etdiyi üçün ona kompensasiya ödəməli olsa da, bundan imtina etmişdi. Emil Balayev 2022-ci ilin martından iyuluna qədər "Turan"da çıxış edib.