Avstriya millisinin idman direktoru Peter Şettel “Avro-2024”ün seçmə mərhələsində Azərbaycana qarşı keçirəcəkləri oyunla bağlı fikirlərini bildirib . 90plus.az xəbər verir ki, Şettel Bakıda keçirəcəkləri oyun barədə danışarkən deyib: " Linsdəki ilk matçda (Avstriya 4:1 hesabı ilə qələbə qazanmışdı - red.) biz gördük ki, azərbaycanlı futbolçular fərdi baxımdan çox yaxşı oynayırlar ”. O bildirib ki, Belçikaya qarşı keçirdikləri son görüşdə (2:3) futbolçuları komanda şəklində özlərini göstəriblər. “Biz mütləq layiq olduğumuz qələbəyə nail olacağıq”. Peter Şettel Azərbaycan millisi barədə həmçinin deyib: “Rəqib yaxşı komandadır, amma biz daha güclüyük ”. Xatırladaq ki, “Avro-2024”ün Azərbaycan - Avstriya oyunu oktyabrın 16-da Tofiq Bəhramov adına Respublika Stadionunda keçiriləcək. Oyun yerli vaxtla saat 20:00-da başlanacaq. Hazırda Azərbaycan millisi 5 oyundan 4 xalla qrupda 4-cü, Avstriya 6 matçdan 13 xalla 2-ci yeri tutur. Qrupun lideri Belçika millisinin 16 xalı (6 oyun) var.