Portuqaliya millisinin hücumçusu Kriştiano Ronaldonun “Əl-Nəsr”dən Çempionlar Liqası klubuna keçmək variantı var. 90plus.az "Marca"ya istinadən xəbər verir ki, futbolçunun müqaviləsindəki bəndə əsasən, "Nyukasl" bu mövsümün sonunda Çempionlar Liqasına vəsiqə qazanacağı təqdirdə, 37 yaşlı oyunçu icarə əsasında sözügedən kluba keçə bilər. İngilis klubu Səudiyyə Ərəbistanı Dövlət İnvestisiya Fonduna məxsusdur. Dekabrın 30-da Ronaldo "Əl-Nasr"la müqavilə imzalayıb. Qeyd edək ki, "Nyukasl" Premyer Liqada 17 matçdan sonra 34 xalla 3-cüdür.