“Sabah”dan autsayder üzərində qələbə: lider fərqi artırdı.

90plus.az xəbər verir ki, Azərbaycan çempionatının 29-cu turunun son oyununda  “Sabah” səfərdə “Karvan” üzərində 2:0 hesablı qələbə qazanıb.

Matçın ilk hissəsi gərgin mübarizə şəraitində keçib və 36-cı dəqiqədə meydan sahibləri azlıqda qalıb – Tompson Qavi birbaşa qırmızı vərəqə alaraq komandasını çətin vəziyyətdə qoyub. Fasiləyə qolsuz bərabərliklə yollanan tərəflər ikinci hissədə daha açıq futbol sərgiləyib.

“Sabah” hesabı 49-cu dəqiqədə açıb. Oyub Mbina dəqiq zərbə ilə qonaqları önə keçirib. Cəmi 6 dəqiqə sonra isə üstünlük daha da möhkəmlənib – 55-ci dəqiqədə Andre Maluda fərqlənərək hesabı 2:0 edib.

Qarşılaşmanın 64-cü dəqiqəsində “Sabah” da azlıqda qalıb. Aleksey İsayev qırmızı vərəqə ilə meydandan kənarlaşdırılıb. Buna baxmayaraq, paytaxt təmsilçisi üstünlüyünü qoruyaraq vacib 3 xalı aktivinə yazdırıb:

Sabah 2 - 0 Karvan
O. Mbina 49’
A. Maluda 55’

Qollar: https://t.me/doxsanplus/116596

Bu nəticədən sonra “Sabah” turnir cədvəlində liderliyini daha da möhkəmləndirib. Komanda ən yaxın izləyicisini 13 xal qabaqlayır.

29 turdan sonra bombardirlər siyahısına “Sabah”ın hücumçusu Coy-Lens Mikels 18 qolla başçılıq edir. Onu komanda yoldaşı Velko Simiç 11 qolla izləyir. “Neftçi”dən Bassala Sambu isə 10 qolla üçüncü pillədə qərarlaşıb.