"Estoniya ilə oyun bizim üçün çox vacibdir. Bu matçda ilk qələbəmizi qazanmaq istəyirik" 90plus.az xəbər verir ki, bu sözləri Azərbaycan millisinin kapitanı Emin Mahmudov Avro-2024-ün seçmə mərhələsində sabah Estoniya ilə keçiriləcək səfər oyunu üçün təşkil edilən mətbuat konfransında deyib: "Burada olanda yalnız milli haqqında düşünürəm və xeyir vermək istəyirəm. Sabah vacib gün olacaq. Maksimum gücümüzü nümayiş etdirməliyik. Sabah qələbə qazanmaq üçün əlimizdən gələni edəcəyik. Yaxşı nəticə ilə evə qayıtmaq niyyətindəyik". Qeyd edək ki, sabah Tallində keçiriləcək Estoniya - Azərbaycan görüşü Bakı vaxtı ilə saat 20:00-da başlayacaq.