Millimizin futbolçusu Manə Mollayeva UEFA Millətlər Liqasının seçmə mərhələsində Monteneqronu darmadağın etdikləri (3-0) oyundan sonra fikirlərini bildirib:   “Azərbaycanın qadın futbolunda tarix yazmağa çox yaxınıq. Hər birimiz nə etməli olduğumuzu bilirdik. Ölkəmiz adına sona qədər mübarizə apardıq və çox inamlı qələbə qazandıq. İnanıram ki, son iki qarşılaşmada da maksimum xal əldə edərək, qrup birincisi kimi mərhələ adlayacağıq. Amma qarşıda daha iki matçımız var. Həmin oyunlara da yaxşı hazırlaşmalıyıq". Qeyd edək ki, Azərbaycan millisi 4 turdan sonra 10 xalla qrup lideridir. İkinci pillədəki Monteneqronun hesabında 6 xal var. Komandamız Millətlər Liqasında növbəti oyununu dekabrın 1-də səfərdə Kipr yığmasına qarşı keçirəcək. Report