"Turan Tovuz" heyətini yeni futbolçu ilə gücləndirir. 90plus.az xəbər verir ki, bu barədə komandanın baş məşqçisi Ayxan Abbasov məlumat verib. Onun sözlərinə görə, Moldova millisinin üzvü Denis Morandiçi bu gün komandaya qoşulacaq. Onunla mövsümün sonuna qədər müqavilə imzalanması nəzərdə tutulub.  Qeyd edək ki, 27 yaşlı cinah müdafiəçisi son olaraq Bosiya və Herseqovinanın "Jrinski" klubunda çıxış edib. O, daha əvvəl Portuqaliyada "Unao Leyriya"da , Sloveniyada "Sele"də oynayıb.