Azərbaycan Basketbol Liqasında XXV tura yekun vurulub. 90plus.az xəbər verir ki, bağlanış oyununda “Zirvə Astara” və “Sərhədçi” komandaları üz-üzə gəlib. “Sərhədçi” İdman Mərkəzində keçirilən görüşdə bölgə təmsilçisi 103:93 hesabı ilə qələbə qazanıb. Bu qələbə ilə xallarını 30-a çatdıran “Zirvə Astara” 7-ci pillədə qərarlaşıb. 39 xalı olan “Sərhədçi” isə pley-off zonasından uzaqlaşaraq, 5-ci sırada yer alıb. Ən məhsuldar basketbolçular “Sərhədçi”dən Maykl Diqqins (34 xal, 11 ribaund), “Zirvə Astara”dan isə Ruşard Kruikşenk (22 xal, 8 asist) olublar.