Bu gün dünyanın ən prinsipial derbilərindən biri baş tutacaq. 90plus.az xəbər verir ki, Türkiyə Super Liqasının 18-ci turu çərçivəsində "Qalatasaray"la "Fənərbağça" üz-üzə gələcək. 114 illik rəqabətdə qalibiyyət və qol sayında "Fənərbağça" üstün durumdadır. İstanbul təmsilçiləri indiyə qədər 395 dəfə qarşılaşıblar. Bunun 148-də "Fənərbağça", 125 dəfə isə "Qalatasaray" qalib gəlib. Tərəflərin 122 oyunu heç-heçə ilə yekunlaşıb. "Fənərbağça"nın 540 qoluna "Qalatasaray" 490 qolla cavab verib. Sırf Super Liqa matçlarına gəlincə, ümumi hesabda üstünlüyünü liqa matçlarına da əks etdirən "Fənərbağça" əzəli rəqibini 52-35 üstələyir. Liqada 43 matç bərabərliklə nəticələnib. İki komanda arasında oynanan son 10 derbidən 6-sı bərabərlik qeydə alınıb. Belə ki, son 10 qarşılaşmada tərəflər hərəyə 2 dəfə meydanı 3 xalla tərk edə biliblər. Bu görüşlərdəki qol sayında da mütləq barəbarlik var - komandalar hərəyə 8 dəfə rəqib qapılarına yol tapıblar. "Ülker stadionu"nda oynanılacaq və saat 20:00-da başlayacaq qarşılaşma "beIN Sports 1" kanalında yayınlanacaq.