Fransanın “Monpelye” klubunda emosional vida yaşanıb. Komandanın kapitanı Teji Savanye doğma azarkeşləri önündə keçirdiyi son oyundan sonra göz yaşlarını saxlaya bilməyib.

90plus.az xəbər verir ki, 34 yaşlı yarımmüdafiəçi uzun illər bağlı olduğu klubla vidalaşarkən duyğusal anlar yaşayıb. Monpelyedə dünyaya gələn Teji Savanye ümumilikdə 13 il ərzində klubun bir parçası olub və azarkeşlərin sevimlilərindən birinə çevrilib.

Təcrübəli futbolçu “Monpelye” forması ilə ümumilikdə 209 oyuna çıxıb. O, bu müddətdə 88 qol və məhsuldar ötürmə ilə komandasına töhfə verib. Savanye xüsusilə texniki bacarığı, lider keyfiyyətləri və meydandakı xarizması ilə yadda qalıb.

Doğma stadionunda son dəfə meydana çıxan futbolçu qarşılaşmadan sonra azarkeşlərin alqışları altında emosiyalarına hakim ola bilməyib. Klub azarkeşləri isə illərdir komandaya xidmət edən kapitanı ayaqüstə alqışlayaraq yola salıblar.

Qeyd: Teji Savanye son illərdə “Monpelye”nin simvollarından biri hesab olunurdu və Fransa futbolunda klubuna sadiqliyi ilə seçilən oyunçular arasında göstərilirdi.