Kamerun millisinin və PSJ-nin sabiq üzvü Modest M'Bami 40 yaşında vəfat edib. 90plus.az xəbər verir ki, bu barədə Paris klubunun mətbuat xidməti məlumat yayıb. Keçmiş yarımmüdafiəçi infarktdan dünyasını dəyişib. Qeyd edək ki, M'Bami 2003-2006-cı illərdə PSJ-də çıxış edib, komanda ilə iki dəfə Fransa kubokunu qazanıb. O, karyerası ərzində Fransanın “Sedan”, “Le Havre” və “Marsel”, İspaniyanın “Almeriya”, Çinin “Dalian Airbin” və “Çançun Yatay”, Səudiyyə Ərəbistanından “Əl-İttihad” və Kolumbiyanın “Millonarios” klublarında da oynayıb.