Kriştiano Ronaldonun yeni klubu “Əl-Nəsr”də debüt edəcəyi tarix məlum olub. 90plus.az L'Equipe”-yə istinadən xəbər verir ki, o yanvarın 22-də Səudiyyə Ərəbistanı çempionatında ilk oyuna çıxacaq.  “Əl-İstiqlal” komandasına qarşı baş tutacaq görüş Bakı vaxtı ilə saat 21:30-da start götürəcək. Xəbərdə qeyd edilib ki, portuqaliyalı hücumçunun İngiltərə Futbol Assosiasiyası tərəfindən noyabrda verilmiş iki oyunluq cəzasının olması səbəbindən həmin müddətə qədər oynaya bilməyəcək.