Azərbaycanın tanınmış velosipedçisi Elçin Əsədov karyerasını bitirib. 90plus.az xəbər verir ki, bu barədə 36 yaşlı idmançı “instaqram” hesabında paylaşım edib: “İdman insanları birləşdirir və şükürlər olsun ki, gözəl insanlar, ölkələr tanıdım. Yarış üçün darıxacağam. Amma velosiped sürməyi sevməyə davam edəcəyəm”. Əsədov bir sıra beynəlxalq yarışlarda və Tokio-2020 Yay Olimpiya Oyunlarında iştirak edib.