"Trabzonspor" irqçi sözlərə qarşı çıxdığını və futbolçusunun yanında olduğunu bildirdi.
90plus.az xəbər verir ki, "Trabzonspor" Klubu, futbolçu Simon Banzaya qarşı edilən "irqçi" paylaşımlarla bağlı hüquqi addımların "sürətlə" atıldığını elan edib.
Klubun sosial media hesabında edilən açıqlamada, "Beşiktaş"la oynanılan matçdan sonra futbolçu Simon Banzaya qarşı sosial media üzərindən edilən "irqçi" paylaşımların şiddətlə qınandığı bildirilib.
Açıqlamada bu ifadələrə yer verilib:
"Bu cür çirkin hücumların heç bir şəkildə qəbul edilməz olduğunu vurğulayır və lazım olan hüquqi addımların sürətlə atıldığını bildiririk. İrqçi hücumlara qarşı qəti mövqeyimizdən heç vaxt geri çəkilməyəcəyimizi bir daha qeyd edir, bu çirkin hücuma qarşı futbolçumuzun yanında olduğumuzu ifadə edirik."
