İrqçi təhqirə görə azarkeşə həbs cəzası verildi.

90plus.az xəbər verir ki, İspaniyada "Real Oviedo" azarkeşlərindən biri futbolçu Markus Reşforda qarşı irqçi davranışına görə məhkəmə tərəfindən cəzalandırılıb.

Hadisə zamanı azarkeş künc zərbəsi yerinə yetirən Reşforda qarşı irqçi ifadələr səsləndirib və bu anlar kameralar tərəfindən qeydə alınıb. Məhkəmənin qərarına əsasən, həmin şəxs 9 ay müddətinə azadlıqdan məhrum edilib.

Bununla belə, ona alternativ cəza imkanı da verilib. Belə ki, azarkeş 2000 avro məbləğində cərimə ödəyəcəyi, məcburi anti-irqçilik proqramında iştirak edəcəyi və 3 il müddətinə futbol stadionlarına girişinin qadağan olunacağı halda həbs cəzasından yayına bilər.

Qeyd: Bu qərar futbol stadionlarında irqçiliyə qarşı mübarizənin daha da sərtləşdirilməsi istiqamətində atılan addımlardan biri kimi qiymətləndirilir.