Bruno Fernandeş “Futbol Yazıçıları Assosiasiyası” tərəfindən ilin futbolçusu seçildi.
90plus.az xəbər verir ki, Bruno Fernandeş möhtəşəm mövsüm keçirdiyi üçün “Futbol Yazıçıları Assosiasiyası” tərəfindən ilin futbolçusu mükafatına layiq görülüb.
"Mançester Yunayted”in kapitanı səsvermədə 45% səs toplayaraq rəqiblərini qabaqlayıb. Səsvermədə 900-dən çox jurnalist iştirak edib.
Portuqaliyalı yarımmüdafiəçi “Arsenal”dan Deklan Rays və “Mançester Siti”dən Erlinq Haaland kimi ulduzları geridə qoyub.
Bu mükafatla "Mançester Yunayted" tarixində 2010-cu ildən sonra ilk dəfə – Ueyn Runi-dən bəri – bir futbolçu bu mükafatı qazanmış olub.
Bruno Fernandeş cari mövsümdə Premyer Liqada 19 məhsuldar ötürmə edib və əfsanəvi rekorda çox yaxınlaşıb. O, Tyerri Anri və Kevin De Bruyne tərəfindən paylaşılan asist rekordunu bərabərləşdirmək üçün 1, keçmək üçün isə 2 assistə ehtiyac duyur.
