Bu gün Azərbaycan millisi FİFA-nın ilk dəfə Bakıda təşkil etdiyi “FİFA series – Edition 2024” layihəsi çərçivəsində sonuncu matçını Bolqarıstan millisinə qarşı keçirəcək. 90plus.az xəbər verir ki, görüş saat 20:00-da Tofiq Bəhramov adına Respublika stadionunda olacaq. Azərbaycan millisi ilk oyununda Monqolustana 1:0 hesabı ilə qalib gəlib. Bolqarıstan isə eyni hesabla Tanzaniyanı üstələyib. Bu gün eyni zamana, Tanzaniya Monqolustanla qarşılaşacaq. Görüş saat 17:00-da başlayacaq. Qeyd : Bu turnir deyil və yoldaşlıq məqsədi daşıyır. Ona görə də yarışın qalibi olmayacaq.