“Hacı kimi güləşçi 50-100 ildə bir yetişir”. Azərbaycan Güləş Federasiyasının (AGF) sabiq vitse-prezidenti Elçin Cəfərov sərbəst güləş üzrə yığmanın üzvü Hacı Əliyev barədə danışıb! O, dünya çempionatında məğlub olaraq Paris-2024 Yay Olimpiya Oyunlarına lisenziya qazana bilməməsini adi qarşılayıb. Mütəxəssisin fikrincə, üçqat dünya çempionunun hələ şansı qalır: “Hacı sıradan idmançı deyil, yığmanın kapitanı, lideridir, adlı-sanlı güləşçidir. Bizdə bir məğlubiyyət olan kimi tənqidlər başlayır. Ancaq bunu normal idman nəticəsi kimi qəbul etmək lazımdır. Hacının lisenziya almaq şansı var. Gələn il Bakıda və İstanbulda lisenziya xarakterli turnir keçiriləcək”. Qeyd edək ki, Azərbaycan sərbəst güləşçilərindən yalnız Maqomedxan Maqomedov olimpiadaya lisenziya əldə edib.