Kvaratsxeliya: “Ardıcıl ikinci dəfə çempion olmaq inanılmaz hissdir”.

90plus.az xəbər verir ki, “Paris Sen-Jermen”in yarımmüdafiəçisi Kviça Kvaratxeliya UEFA Çempionlar Liqasının finalında “Arsenal” üzərində qazanılan qələbədən sonra fikirlərini bölüşüb. Paris təmsilçisi əsas və əlavə vaxtı 1:1 hesabı ilə başa çatan görüşdə penaltilər seriyasında 4:3 hesabı ilə qalib gəlib.

Kvaratsxeliya komandanın uğurundan böyük qürur duyduğunu bildirib:

“Bu, sadəcə inanılmazdır. Hisslərimi sözlə ifadə edə bilmirəm. Bu komandanın bir hissəsi olduğum üçün çox qürurluyam. Çətin mövsüm keçirdik, amma nəyə qadir olduğumuzu göstərdik. Bu gün ardıcıl ikinci dəfə çempion olduq.”

Gürcüstan millisinin üzvü penaltilər seriyasındakı uğurun təsadüfi olmadığını da vurğulayıb:

“Penaltilər seriyasında şans vacibdir, amma buna hazırlaşmaq da lazımdır və biz məhz bunu etdik. Düşünürəm ki, qələbəyə layiq idik, çünki kifayət qədər qol vəziyyəti yaratmışdıq.”