“İnter” Maquayrı prioritet hesab etmir.

90plus.az xəbər verir ki, “Mançester Yunayted”in müdafiəçisi Harri Maquayr karyerasını İtaliyada davam etdirə bilər.

“Gazzetta dello Sport”un yaydığı məlumata görə, təcrübəli futbolçu “İnter”ə təklif olunub. Lakin Milan təmsilçisi hazırda ingilis müdafiəçinin transferini prioritet variant kimi nəzərdən keçirmir.

Mənbənin məlumatına əsasən, “İnter” rəhbərliyi müdafiə xəttini gücləndirmək üçün digər namizədlər üzərində işləyir və əsas diqqətini alternativ hədəflərə yönəldib.

Harri Maquayr bu yay “Mançester Yunayted”lə müqaviləsini bir il uzatsa da, onun klubdakı gələcəyi hələ də qeyri-müəyyən olaraq qalır. 34 yaşlı futbolçu İngiltərə millisinin DÇ-2026 heyətinə düşə bilmədikdən sonra daha çox oyun praktikası qazanmaq üçün yeni variantları dəyərləndirə bilər.

Buna baxmayaraq, hazırkı mərhələdə “İnter”in Maquayr üçün rəsmi addım atmağa hazırlaşdığı bildirilmir.