Sabah - Fevralın 8-də Parisdə UEFA Millətlər Liqasının 2024/25-ci illər mövsümünün püşkatma mərasimi baş tutacaq.  90plus.az AFFA-nın saytına istinadən xəbər verir ki, püşkatma saat 21:00-da başlanacaq tədbirdə Azərbaycan millisinin məşqçisi Arif Əsədov və milli assosiasiyanın başqa rəsmiləri iştirak edəcək. C Liqasının 2-ci səbətində yer alan milli komandamızın potensial rəqibləri məlumdur. Millimiz 1-ci səbətdən Rumıniya, İsveç, Ermənistan, Lüksemburq, 3-cü səbətdən Şimali Makedoniya, Slovakiya, Şimali İrlandiya, Kipr, 4-cü səbətdən isə Belarus, Estoniya, Latviya, Litva/Cəbəllütariq cütünün qalibi olacaq komandalardan formalaşacaq qrupda yer alacaq. Qeyd : UEFA İcraiyyə Komitəsinin qərarına əsasən, C liqasının, 1-ci səbətində yer alan Ermənistan millimizə rəqib ola bilməz.