Azərbaycan millisinin üzvü Ozan Can Kökçü "Eyndhoven"lə Niderland 1-ci divizionunda 28-ci tur oyununa çıxıb. 90plus.az  xəbər verir ki, komanda doğma meydanda "Yanq AZ Alkmar"la 1:1-lik heç-heçə edib. Ozan Can da bu görüşdə əvvəldən sonadək meydanda olub. 25 yaşlı yarımmüdafiəçi 64-cü dəqiqədə "Eyndhoven"in yeganə qolunu vurub və komandasına 1 xal qazandırıb. Futbolçu 90+3-cü dəqiqədə sarı vərəqə ilə cəzalandırılıb. Rəqibin heyətində isə 57-ci dəqiqədə Risenyo Keval fərqlənib. Ozan Can bu oyunun ən yaxşısı seçilib. Qeyd : 28 oyun keçirən "Eyndhoven" 34 xalla turnir cədvəlinin 14-cü pilləsində qərarlaşır.