Bolqarıstan millisinin kapitanı Kiril Despodov  “FIFA series – Edition 2024” layihəsi çərçivəsində sabah Azərbaycana qarşı görüşdən öncə mətbuat konfransına qatılıb. 90plus.az  xəbər verir ki, o, Azərbaycan millisinin asan rəqib olmadığını bildirib: "Azərbaycan millisi ciddi rəqibdir. Paltardəyişmə otağında heç kim Azərbaycanla oyunun bizim üçün rahat olacağını fikirləşmir. Amma ilk növbədə rəqib haqda düşünmürük, öz oyunumuz barədə fikirləşirik. Baş məşqçinin tapşırıqlarını yerinə yetirərək, müsbət nəticə qazanmağı planlaşdırırıq. Azərbaycan - Monqolustan matçının bəzi epizodlarına baxdıq. Oyunda güclü olan tərəf Azərbaycan idi. Biz də rəqibimizi analiz etmişik. Oyuna hazırıq". Qeyd : Sabah Tofiq Bəhramov adına Respublika stadionunda keçiriləcək oyun saat 20:00-da başlayacaq.