"Beşiktaş"ın sabiq baş məşqçisi Rza Çalımbay Azərbaycan millisində çalışmaq üçün zəng gözlədiyini deyib. 90plus.az xəbər verir ki, türkiyəli mütəxəssis "Sabah” qəzetinə açıqlamasında bunları söyləyib: “Azərbaycan millisindən rəsmi təklif almamışam. Ancaq adımın bu komanda ilə birgə hallandığını eşidirəm. Bir-iki gün içində mənimlə əlaqə saxlayacaqlarını düşünürəm. Təklif gəlsə, Azərbaycan yığmasını çalışdırmağa müsbət yanaşaram”. Qeyd : Rza Çalımbay ötən ilin dekabrında “Beşiktaş”dan ayrılıb.  mütəxəssis "Rizespor", "Sivasspor", "Trabzonspor", "Antalyaspor" və "Konyaspor"u da çalışdırıb. Hazırda işsizdir.