Qazaxıstanın "Jenis" klubunda çıxış edən azərbaycanəsilli futbolçu Raul Allahverdiyev Azərbaycan yığmasında oynamaq təklifinə "YOX" deyib. 90plus.az xəbər verir ki, 17 yaşlı yarımmüdafiəçi klubun media xidmətinə açıqlamasında bu təklifi qəbul etmədiyini, Qazaxıstanın əsas yığmasını istədiyini deyib: " Məlumat yayıldı ki, məni Azərbaycan millisində görmək istəyirlər. Belə diqqətə görə məmnunam. Lakin mən Qazaxıstanın gənclər yığmasının üzvüyəm. 15 yaşımdan "Jenis" klubunda peşəkar futbolçu kimi debüt etmişəm. Bu klubu və Qazaxıstanı evim hesab edirəm. Çalışacağam ki, bu ölkənin yığmasına düşüm". Qeyd : Raul Allahverdiyev Qazaxıstanın U-17 yığmasının üzvüdür. O, "Jenis"də ümumilikdə 46 oyun keçirib, 4 qol vurub və 3 qol ötürməsi edib.