Azərbaycanın U-21 millisinin baş məşqçisi Samir Əliyev Avropa çempionatının seçmə mərhələsində İngiltərəyə 1:5 hesabı ilə məğlub olduqları oyun barədə fikir bildirib. 90plus.az xəbər verir ki, o əllərindən gələni etdiklərini söyləyib: " Güclü komandaya qarşı oynadıq. Bu səviyyədə rəqiblə indiyədək qarşılaşmamışdıq. Fərdi keyfiyyətləri olan futbolçulara qarşı oynadıq. Futbolçularımızdan heç bir narazılığımız yoxdur. Əllərindən gələni etdilər, lakin təəssüf ki, böyük hesabla məğlub olduq". Mənbə: AFFA