Azərbaycan stolüstü tennisçiləri Gürcüstanın Batumi şəhərində keçirilən dünya seriyalı “WTT Youth Contender” turnirində daha dörd medal qazanıblar. 90plus.az Azərbaycan Stolüstü Tennis Federasiyasına istinadən xəbər verir ki, qarışıq-qoşa yarışlarda Adil Əhmədzadə - Mərziyyə Nurmətova və Ləman Abdulhəmidova - Tom Klosset (Belçika) cütlükləri yalnız finalda uduzaraq gümüş medala yiyələniblər. Aylin Əsgərova - Hüseyn Eylazov və Zemfira Mikayılova - Məhəmməd Ataqul (Türkiyə) duetləri isə yarışı üçüncü pillədə başa vurublar. Qeyd edək ki, stolüstü tennisçilərimiz daha öncə beş bürünc medal qazanıblar. Maraqlı məqamlardan biri də odur ki, təmsilçilərimiz yarış ərzində qarşılaşdıqları səkkiz erməni idmançısı üzərində inamlı qələbələrə seviniblər.