“Elə şeylər var ki, mən onları edə bilmərəm. Qapıda özümü axmaq yerinə qoya bilmərəm”. 90plus.az xəbər verir ki, bu sözləri “L’Equipe” nəşrinə danışan “Tottenhem”in qapıçısı Uqo Loris deyib: Uqo Loris Argentina millisinin qapıçısı Emiliano Martinezin DÇ-2022 finalındakı davranışını tənqid edib: “Rəqibi aşağı salıb, xətti keçə bilmərəm. Mən belə şeyləri edə bilmərəm. Bunları etmək üçün çox məntiqli və dürüst adamam”. Qeyd edək ki, fransalı qapıçı Uqo Loris kapitanı olduğu Fransa milli futbol komandasındakı karyerasını başa vurduğunu açıqlayıb. Loris Fransa Milli Komandasında ən çox oyun keçirən (145 dəfə) və ən çox kapitan (121) olan oyunçu titullarına sahibdir.