Əfran İsmayılov bu mövsümün sonunda karyerasını bitirəcək. 90plus.az xəbər verir ki, 35 yaşlı yarımmüdafiəçi mövsümün sonunda peşəkar karyerasına yekun qoyacağını bildirib: “Açığı, başqa təklifim yoxdur. “Kəpəz”lə yaya qədər olan müqaviləmə sadiq qalacağam. Ondan sonra da futbol sahəsində qalacağam. Sözləşməm davam etdiyi üçün planlarımı yaya saxlamışam. Həmin vaxtdan məşqçi, menecer və ya idarəçi kimi çalışa bilərəm”. Qeyd edək ki, Əfran bundan qabaq "Bakı, "Xəzər", "Qarabağ", "İnter", "Səbail", "Sumqayıt" klublarında forma geyinib.