"Çelsi" klubu "Lester Siti"dən 80 milyon avroya transfer etdiyi mərkəz müdafiəçisi Uesli Fofananı göndərmək istəyir.

90plus.az xəbər verir ki, London təmsilçisi futbolçunu həm birdəfəlik satmağa, həm də icarəyə verməyə razıdır.

Hazırda 24 yaşlı fransalı futbolçu ilə ən çox maraqlanan klub "Marsel"dir.

Qeyd: Fofana aprelin əvvəlində bud nahiyəsindən zədə alıb, əməliyyat olunub və bu mövsümün qalan hissəsini buraxacaq.

Futbolçunun "Çelsi" ilə olan müqaviləsi 2029-cu ilin yayına kimi qüvvədədir və onun transfer qiyməti 27 milyon avro civarında dəyərləndirilir. London klubu 2022-ci ilin yayında Fofananın transferi üçün "Lester Siti"yə 80 milyon avro ödəmişdi.